Phoncho meri imdaad ko ye waqthe karam hai
Abbas tumhe saaniye Zehra ki khasam hai

1) Tum Ahmade Mukhtaar ki beti ke pisar ho
Tum Hydere Karar ke bete ki sipar ho
Tum Zainabo Kulsum ki dharas ke shajar ho
Tum chaho tho ek pal me meri shab ki sahar ho

Phoncho meri imdaad ko ye waqthe karam hai

2) Tum Khayeme khaibar ki nighaeon ke ojale
Tum hujathe kaunaain ki agaosh ke pale
Tum Fatima Zehra ko sukoon bakhashne wale
Tum sunthe raho aur mai kartha raheon naale

Phoncho meri imdaad ko ye waqthe karam hai

3) Tum lashkare islaam ke nayaab alamdaar
Tum mohsine islaam ke bemisal wafadaar
Tum kulke madadgaar ke jani ke madadgaar
Bas mai bhi tumhari hi madad ka hoen talab gaar

Phoncho meri imdaad ko ye waqthe karam hai

4) Tum Hydere Karar ke jazbe ki rawani
Tum Jafare Tayaar ke tewar ki nishani
Tum Hazrathe Shabeer ke maqsad ki jawani
Tum chaho tu ji jaeon aye Hydere saani

Phoncho meri imdaad ko ye waqthe karam hai

5) Tum hazrathe Salman ke akha ki duva ho
Tum Meesame Tammar ke maula ki ada ho
Tum Buzaro Mekhdaad ke wali ki rida ho
Sarkar bas ab tum hi mere okhda kusha ho

Phoncho meri imdaad ko ye waqthe karam hai